السلام عليكم ورحمة الله وبركاته

طريقة الحمام المحشى

حمام

وبعد الشطف نجهز ملح وفلفل + حبهان ونطحنه مع ورق لورا كما بالصورة



وبعدين نتبل الحمام بهذه التوابل مع ملحوظة فصل جلد الصدر بالراحة ونتبل لحم الصدر من تحت الجلد ونتبل الزور وممكن

ننزع عظم الزور او نسبيه




يلا نبدا الحشو نشوح بصلة فى سمن وعليه الرز ثم نتبله ونسقىه ماء حتى يتشرب فقط نطفى عليه ونسبيه يبرد




ثم نحشى الحمام من البطن والصدر والزور وبعدين نكتف الحمام كالتالى ندخل اول رجل فى مؤخرة الحمامه

ثم نضع الاونصه وبعدين ندخل الرجل التانيه من تحت الرجل الاولى كما بالصور ونحط الكبد فى الزور بعد الحشو

اهم حاجه فى الحشو مانزودش الحشو اوى علشان الحمام ميفرقعش خصوصا الرز












بالنسبه للفريك ننقعه فى ماء ساخن حتى يصبح طرى جدا ثم نشوح بصله وعليه الفريك يتشوح



مع توابل وملح فقط لا نسوى الفريك ابدا علشان يفضل مفلفل يعنى تشويح فقط وبعدين نسبه يبرد

ثم نحشى بنفس الطريقه ثم نضع الحمام فى ماء مغلى عليه بصلة وتوابل وملح وفلفل وممكن قالب مرقه

ونسويه 35 دقيقه للفريك وللرز زياده 5 او 10 دقائق بس نوطى النار فى الاخر

ودى صورته بعد السلق الاوله بالرز والتانيه فريك